Ўзбекистонда хизмат кўрсатган артист, актриса Раъно Шодиева Одиловна 1979 йилнинг 12 август санасида Самарқандда туғилган. Ўзбекистон давлат санъат ва маданият институтида таҳсил олган. 2007 йилда Ўзбекистонда хизмат кўрсатган артист унвони билан тақдирланган. 2022 йилда эса I даражали “Соғлом авлод учун” ордени билан мукофотланган.
Актриса ижоди давомида «Чимилдиқ», «Шайтанат», «Осмон яқин», «Алпомиш», «Ўтов», «Ташландиқ», «Жигарбандим», «Қизғалдоқ», «Сароб», «Меҳмонхона», «Барон», «Ватан», «Бир кам дунё», «Сукунат», «Меҳр операцияси» сингари кўплаб фильмларда турли ролларни ижро этган.
Кинематография агентлиги Раъно Шодиевани бугунги таваллуд айёми билан қутлайди, ижодкорга мустаҳкам соғлик, узоқ умр, бахт ва омад тилайди.
