Blue Origin компанияси ракетаси портлаши оқибатида зарар кўрган Канаверал бурнидаги учириш майдончасини тиклаш 2 йилга чўзилиши мумкин

Бу ҳақда NASA раҳбари Жаред Айзекман маълум қилди.

Blue Origin компаниясининг оғир New Glenn ракетаси ўтган ҳафта Флоридадаги учириш майдончасида синов чоғида портлаб кетди. Америкалик миллиардер ва Amazon асосчиси Жефф Безосга тегишли Blue Origin компанияси SpaceX'га рақобат кўрсатиш учун New Glenn'ни ўта оғир ташувчи ракета даражасигача модернизация қилишни режалаштирган эди.

NASA раҳбарининг қўшимча қилишича, вазият Blue Origin’да захира учириш мажмуаси йўқлиги билан мураккаблашмоқда.

Калифорниядаги Ванденберг Космик кучлари базасида жойлашган иккинчи майдонча эса ҳали ривожланиш босқичида.