Opta таҳлилчилари суперкомпьютерни ишга тушириб, терма жамоаларнинг Жаҳон чемпионатида ғалаба қозониш имкониятларини ҳисоблаб чиқишди. Ҳисоб-китобларга кўра, мундиалда ғолиб чиқиш эҳтимоли энг юқори бўлган жамоа — Испания терма жамоасидир. «Қизил фурия»нинг зафар қучиш эҳтимоли 16,12% ни ташкил этади. Бу шуниси билан эътиборга лойиқки, испанияликлар сўнгги учта Жаҳон чемпионатида 1/8 финалдан нарига ўта олишмаган эди.
Иккинчи ўриндан Франция терма жамоаси жой олди, унинг турнирда ғалаба қозониш эҳтимоли — 12,98%. Кейинги ўринларда Англия (11,18%), Аргентина (10,36%), Португалия (7%), Бразилия (6,61%), Германия (5,12%), Нидерландия (3,62%), Норвегия (3,51%) ва Бельгия (2,37%) терма жамоалари қайд этилган.
Эслатиб ўтамиз, ўтган Жаҳон чемпионатида Аргентина терма жамоаси ғолиб чиққан эди.
Жаҳон чемпионатининг энг қиммат терма жамоалари рейтинги эълон қилинди
Канада - Ўзбекистон ўйини соат нечада бошланиши ва қайси канал орқали трансляция қилиниши маълум бўлди
Каннаваро Ҳусановдан бошқача ўйнашни талаб қилди!
