«Биз 25 баробар катта» — НАТО бош котиби Россиянинг ҳарбий салоҳиятига ортиқча баҳо бермасликни сўради

НАТО мамлакатлари иқтисодий ва ҳарбий устунликка эга экани туфайли Россияни самарали тизимда тўсиш имконига эга, деди алянс бош котиби Марк Рютте ва Кремл томонидан қўлланган ҳарбий салоҳиятни ошириб баҳолашдан огоҳлантирди.

НАТО бош котиби Марк Рютте The Moscow Times мухбири саволига жавобан, шимолий алянс ва Россия иқтисодий қуввати ҳажми бўйича катта фарқга эга эканини таъкидлади:

«Биз Россиядан 25 баробар каттамиз. НАТО иқтисодиётининг умумий ҳажми 50 трлн долларни ташкил этади, Россияники эса 2 трлн — бу АҚШнинг биргина Техас штатиники билан бир хил», деди у.

Рютте Россиянинг ҳарбий салоҳиятини «ортиқча баҳолаб юбориш»дан сақланиш лозимлигини айтди. Унинг сўзларига кўра, рус пилотлари қирувчи самолётларни бошқаришда «кўп ҳам муваффақиятларга эришмаган», ҳарбий кема капитанлари эса «лангарни қандай ташлашни билмшмайди». НАТО эса 70–80 йил давомида Россияга қарши туриб кемоқда ва провокацияларга қандай жавоб беришни жуда яхши билади, деди бош котиб.

Бош котиб Шимолий Атлантика кучлари алянс ҳаво кенгликларини бузиб кираётган ва реал хавф туғдираётган рус ҳарбий учоқларни уриб тушириш ваколатини олганини ҳам таъкидлаб ўтди. «Бу жуда муҳим жиҳат ва россияликлар ҳам буни билади», — деди Рютте, барча нарсаларга эга алянс ҳарбийларнинг малакасига ишонч билдириш, «русларни жуда жиддий қабул қилиб юбормаслик лозим»лигига чақирди. Аммо бир вақтнинг ўзида Рютте мудофаага кўпроқ харажат қилиш лозимлигини билдирди. Чунки Украинадаги уруш Путин алянс мамлакатларига ҳужум қилиш учун миллионлаб одамларни қурбон қилишга тайёр эканлигини кўрсатмоқда.

Рютте аввалроқ Хитойнинг Россияни Европага қарши босқинга ундаши мумкинлигини ва бундан қочиш учун НАТО ва Ҳинд-Тинч океан минтақаси билан ҳарбий-технологик ҳамкорликни мустаҳкамлаш лозимлигини айтади.

Путин эса орқа-олдига қарамай, Украинада НАТОнинг барча мамлакатлари Россияга қарши уруш қилмоқда, шу сабаб Россия армияси жаҳондаги энг жанговар тайёргарликка эга армия, деб атаган. Европа етакчиларининг Россия Европага эҳтимолий ҳужум қилиши борасидаги гап-сўзларини эса «бўлмағур гап» деган. Путиннинг фикрича, европалик етакчилар Украинадаги урушдаги мислсиз сарф-харажатларни оқлаш учунгина шу риторикани сақлаб келмоқда.

Путин НАТОнинг асосий Аъзоси бўлган АҚШнинг жаҳон бўйича мудофаага бўлган харажатлари 40 фоизни ташкил этиши, Россия эса атига 3,5 фоиз сарфлашини таъкидлаган. «Бундай таққос билан НАТО билан урушиб бўладими? Бу шунчаки сафсата», — деган Путин.