Беларусда “vDud” YouTube канали экстремистик деб эълон қилинди. 27 апрель куни Витебск шаҳрининг Железнодорожний туман суди шу ҳақда қарор чиқаргани маълум қилинди.
Маълумотларга кўра, бу канал Беларус Ахборот вазирлиги реестрига киритилган.
Аввалроқ, 2022 йил март ойида Минск шаҳри суди “vDud” каналидаги икки видеони экстремистик деб топган эди. Уларнинг бири стендап комик Слава Комиссаренко билан интервью бўлиб, у 2020 йилдаги норозилик намойишлари пайтида куч ишлатилганини танқид қилган ва сайлов натижаларини сохталаштиришда айбловлар айтган.
2024 йилда Минск суди Комиссаренкони сиртдан олти йилга озодликдан маҳрум этган, шунингдек у экстремистлар рўйхатига киритилган. 2025 йил апрель ойида эса у Россия фуқаролигидан маҳрум қилинган.
“vDud” канали журналист Юрий Дудга тегишли. У Россияда “хорижий агент” деб топилган. 2025 йилда Россия Тергов қўмитаси унга қарши жиноий иш очган, кейинчалик Москва суди уни сиртдан 1 йил 10 ойга қамоқ жазосига ҳукм қилган.
2026 йил апрель ойида Россия Тергов қўмитаси раиси Александр Бастрикин журналистнинг Россия кўнгиллилар корпуси раҳбари билан интервьюси бўйича қўшимча текширув ўтказишни буюрган.
Абдуқодир Ҳусанов ота-онасига 330 минг долларлик вилла совға қилди
«Реал» Мбаппе билан хайрлашадими?
Можтаба Хоманаий Путинга мактуб йўллагани маълум бўлди
