Миграция агентлигининг собиқ директори Беҳзод Мусаев «Ватандошлар» жамоат фонди бошқарув раиси этиб тайинланди. Бу ҳақда фонднинг расмий сайтидаги маълумотлардан ойдинлашмоқда.
Жумладан, фонд сайтининг «Раҳбарият» бўлимида Беҳзод Анварович Мусаев бошқарув раиси сифатида кўрсатилган. Шунингдек, 2021 йил сентябрдан бери фондга раҳбарлик қилган Одилжон Сатторов энди бошқарув раиси ўринбосари лавозимида қайд этилган.
«Ватандошлар» жамоат фонди 2021 йилда ташкил этилган. Унинг асосий мақсади сифатида хорижда истиқомат қилаётган ватандошларни тарихий Ватан атрофида янада жипслаштириш, ватандошлар ва улар томонидан тузилган жамоат бирлашмаларини қўллаб-қувватлаш, турли соҳаларда фаолият юритаётган ватандошлар салоҳиятини мамлакат тараққиётига самарали йўналтириш экани кўрсатилган.
Эслатиб ўтамиз, Беҳзод Мусаев 2026 йил 3 сентябрь куни президент қарорига кўра, бошқа ишга ўтиши муносабати билан Миграция агентлиги директори лавозимидан озод этилганди. У 2024 йил сентябридн бери шу лавозимда ишлади. Бунгача Камбағалликни қисқартириш ва бандлик вазири сифатида фаолият юритган.
«Биз тайёрмиз»: Мерц Киевдан Путинга мурожаат қилди
Жиззахда эркак 10 ёшли болани зўрлаб, сўнг ўз жонига қасд қилди
Шахмат терма жамоаси аъзолари ҳибсга олинди
