«Барселона» «Манчестер Сити» ҳужумчиси Эрлинг Холандни ўз сафига қўшиб олиш имкониятини жиддий ўрганмоқда.
El Nacional нашрининг хабар беришича, каталонияликлар норвегиялик голеадорнинг эҳтимолий трансфери юзасидан музокараларни бошлаган. Клуб ушбу курашда асосий рақобатчиларидан бири бўлган «Реал»ни ортда қолдиришни мақсад қилган.
«Барселона» Манчестер клуби атрофида юзага келган молиявий муаммолардан фойдаланишга умид қилмоқда. Агар «шаҳарликлар» молиявий қоидабузарликлар учун жиддий жазога тортилса, Холандни нисбатан камроқ маблағ эвазига сотиб олиш имконияти пайдо бўлиши мумкин.
Манбага кўра, каталонияликлар фақат Холанд билан чекланиб қолмоқчи эмас. Клуб «Манчестер Сити»нинг яна бир қатор футболчилари — Йошко Гвардиол, Райан Шерки, Жереми Доку, Фил Фоден ва Антуан Семеньонинг вазиятини ҳам кузатиб бормоқда.
Transfermarkt портали Холанднинг бозор қийматини 220 миллион еврога баҳоламоқда.
Ҳозирча норвегиялик ҳужумчининг «Барселона»га ўтиши юзасидан расмий келишув ҳақида маълумот йўқ.
Шоҳжаҳон Эргашевнинг Тошкентдаги жанги жанжал билан ниҳоясига етди
Баҳодир Жалолов жангдан кейин нега Абдуқодир Ҳусанов ва Эрлинг Холанд олдига борди?
Португалия футбол федерацияси Роналду бўйича ўз позициясини маълум қилди
