"Барселона" президенти Жоан Лапорта Мадриднинг "Реал" клуби юритаётган трансфер сиёсати, хусусан, Килиан Мбаппенинг 2024 йилда жамоага қўшилгани ҳақида ўз муносабатини билдирди.
L’Equipe нашрига берган интервьюсида каталонияликлар раҳбари "Реал" жамоавий ўйиндан кўра, машҳур футболчиларни жалб этишга кўпроқ аҳамият қаратишини таъкидлади.
"Бир катакда иккита хўроз бўлмайди. Футболда ҳам шундай. Энг муҳим жиҳат — жамоавийлик. "Реал" эса ҳамиша катта номларга устунлик беради. Менимча, улар шу сабабли ишончни йўқотишди", деди Лапорта.
Шунингдек, у мадридликлар президенти Флорентино Пересни "Негрейра иши" бўйича нотўғри маълумот тарқатишда айблади ҳамда "Реал"нинг сўнгги икки йилда соврин қўлга киритмаганини таъкидлади.
Айни пайтда "Барселона" Испания чемпионатида 8 та учрашувдан кейин 24 очко билан пешқадамлик қилмоқда. "Реал" эса 21 очко жамғариб, учинчи ўринни эгаллаб турибди.
Эслатиб ўтамиз, Ла Лиганинг 10-турида ушбу жамоалар ўзаро тўқнаш келади. Навбатдаги "Эл-класико" 26 октябрга ўтар кечаси Тошкент вақти билан соат 01:00 да бошланиши режалаштирилган.
Шоҳжаҳон Эргашевнинг Тошкентдаги жанги жанжал билан ниҳоясига етди
Баҳодир Жалолов жангдан кейин нега Абдуқодир Ҳусанов ва Эрлинг Холанд олдига борди?
Португалия футбол федерацияси Роналду бўйича ўз позициясини маълум қилди
