АҚШ ва Эрон урушдан олдинги ҳолатга қайтиш бўйича келишув имзолаши мумкин

CNN телеканалининг хабар беришича, АҚШ ва Эрон ўртасидаги музокаралар ҳозирда парда ортида қизғин давом этмоқда. Келишувнинг биринчи босқичи урушдан олдинги ҳолатга қайтиш ва Ҳўрмуз бўғозини ҳеч қандай чекловларсиз ҳамда божларсиз қайта очишга қаратилади.

Манбаларга кўра, ушбу босқичма-босқич жараёнда Теҳронинг ядровий дастури масаласи ҳозирча четга сурилиб, у кейинроқ кўриб чиқилиши кутилмоқда. Айни дамда асосий эътибор минтақадаги кескинликни камайтириш ва стратегик сув йўлларида эркин ҳаракатланишни тиклашга қаратилган.