АҚШ Украина ва Россия билан Қора денгизда тижорат кемаларига қарши куч ишлатмаслик бўйича келишувга эришди

АҚШ Украина ва Россия билан Қора денгизда тижорат кемаларига қарши куч ишлатмаслик бўйича келишувга эришганини эълон қилди.

"Оқ уй бу ҳақда Оқ уй Ар-Риёдда Украина делегацияси билан ўтказилган музокаралардан сўнг баёнот берди", деб хабар бермоқда “Интерфакс”.

Оқ уйнинг маълум қилишича, Қўшма Штатлар худди шу масала бўйича Россия билан ҳам Ар-Риёддаги музокараларда келишувга эришган.

"АҚШ Украина ва Россия билан тижорат кемаларининг хавфсиз ҳаракатини таъминлаш, куч ишлатишдан воз кечиш ҳамда тижорат кемаларининг ҳарбий мақсадларда қўлланилишига йўл қўймаслик борасида келишувга эришди", дейилади Оқ уй баёнотида.

Бундан ташқари, Вашингтон Киев ва Москва билан Россия ва Украинадаги энергетика инфратузилмаларига зарбаларни тўхтатиш ғоясини амалга ошириш устида ишлашга келишиб олди.

Оқ уйнинг қовшимча қилишича, АҚШ, шунингдек, Россиянинг қишлоқ хўжалик маҳсулотлари ва ўғитларини жаҳон бозорига экспорт қилиш имкониятини тиклашга ёрдам беради.