АҚШ Россияга қарши санкцияни кучайтирмоқда

Кеча АҚШ Президенти Дональд Трамп маъмурияти Россия молия институтлари билан энергия учун тўлов амалга оширишга рухсат берувчи лицензия муддати тугаганини маълум қилди. Бу ҳақда “Кazinform” агентлиги “Global Banking” хизматига таяниб ёзган.

Ғазначилик вакили сўзларига кўра, режалаштирилганидек, “8L бош лицензияси” 12 март кунидан кучини йўқотган. Энди “Сбербанк”, ВТБ ва РФ Марказий банки АҚШ тўлов тизимига кира олмайди. Бундан ташқари “Газпром нефть” ва “Сургутнефтегаз” энергетика компаниялари, шунингдек Россия нефтини ташувчи 183 кема, жумладан Ғарбга қарашли бўлмаган компаниялар томонидан бошқариладиган эскирган танкерлар хуфия флоти билан ҳам доллар амалиёти тақиқланади.

Энергетика сиёсати бўйича тадқиқот гуруҳи “ClearView Energy Partners” рухсатнома муддати тугаши баъзи учинчи давлатлар жараён қийинлашиши муносабати билан, эҳтимол, РФ нефти харидини тўхтатиши мумкинлигини тахмин қилди.

Эслатиб ўтамиз, Байден маъмурияти 2022 йил февралда нефть нархи глобал миқёсда ошишига йўл қўймаслик учун энергия амалиёти бўйича лицензия жорий этган.

Аввалроқ Россия томони ҳарбий ҳаракатни тўхтатиш бўйича таклифга розилиги, бироқ муайян шартлари борлиги ҳақида хабар қилган.