АҚШ разведкаси: "Эрон ўз имкониятларига бўлган ишончини оширди"

АҚШнинг Эронга қарши ҳарбий кампанияси бошланганидан олти ой ўтгач, Теҳрон ўзининг ҳарбий имкониятларига бўлган ишончини сезиларли даражада оширди.

Бу ҳақда The New York Times (NYT) АҚШ разведка маълумотлари ва таҳлилчиларнинг баҳоларига таяниб хабар бермоқда.

Нашрнинг таъкидлашича, Эрон "энди ўз салоҳиятини анча яхши тушунади ва Америка кучларининг чегараларини тан олади". Газета Президент Дональд Трамп Эрон устидан тез ва қатъий ғалабага умид қилганини, аммо олти ойлик қуролли тўқнашувдан сўнг Ислом Республикаси Яқин Шарқдаги нишонларга қарши жавоб зарбаларини бериш қобилиятига бўлган ишончини сезиларли даражада оширганини таъкидлади.

Бундан ташқари, газета Эрон Ҳормуз бўғозини назорат қилиш қобилиятини оширганини таъкидлади.

Газета манбаларига кўра, Эрон Вашингтон билан келишувга эришиш имкониятини деярли кўриб чиқмаяпти, бу эса Трампнинг оралиқ Конгресс сайловлари олдидан ички сиёсий қийинчиликларини кучайтиради.