Иордания жанубидаги Карак вилоятида дафн маросими қонли фожиа билан якунланди. Номаълум қуролли шахслар черков атрофида тўпланган одамларга қарата ўт очиши оқибатида камида 6 киши ҳалок бўлди, яна 28 нафар фуқаро жароҳатланди.
CNN маълумотига кўра, воқеа 23 октябрь куни Ҳмуд шаҳридаги Авлиё Георгий православ черковида содир бўлган.
Гувоҳларнинг сўзларига қараганда, ҳужумчилар автомобиль билан келиб, ундан тушгач, маросим иштирокчиларини ўққа тута бошлаган. Отишма бир неча дақиқа давом этган.
Ҳодиса вақтида черков биноси ва унинг атрофида 150 нафардан зиёд одам бўлган. Тарқалган кузатув камераси тасвирларида қуролланган шахслар дастлаб кўчада ўқ узгани, кейин эса черков томон ҳаракатланганини кўриш мумкин.
Иордания хавфсизлик идоралари ҳужумчиларни қидириш ишларини бошлаган. Ҳозирча уларнинг шахси ва жиноятга нима сабаб бўлгани ҳақида расмий маълумот берилмаган.
Зеленский Украина ҳудудининг бир қисмидан воз кечишга олиб келадиган тинчлик келишувига рози бўлиши мумкин
Биргина сурат махфий режани тасодифан ошкор қилди. 5 кун ичида нималар бўлди?
Месси — учинчи, Ямал — иккинчи: "Олтин тўп" учун асосий фаворит номи маълум бўлди
