Тошкент шаҳрининг Учтепа туманида тунги ёнғин оқибатида бир нафар фуқаро ҳаётдан кўз юмди. Ҳодиса юзасидан жиноят иши қўзғатилиб, текширув ҳаракатлари бошланган.
Пойтахт Фавқулодда вазиятлар бошқармаси маълумотига кўра, 24 октябрь куни соат 01:33 да Юсуф Саккокий кўчасидаги кўп қаватли турар жой мажмуасида жойлашган хонадонлардан бирида ёнғин келиб чиққан.
Хабар келиб тушгач, қутқарувчилар воқеа жойига етиб борган ва соат 01:52 да оловни тўлиқ ўчиришга муваффақ бўлган.
Ёнғин натижасида хонадондаги уй-рўзғор буюмлари зарарланган. Олов бартараф этилганидан кейин бино ичидан бир нафар фуқаронинг жасади аниқланган.
Айни пайтда масъул идоралар ёнғиннинг келиб чиқиш сабаблари ва ҳодиса тафсилотларини ўрганмоқда. Қўзғатилган жиноят иши доирасида суриштирув ишлари олиб борилмоқда.
Биргина сурат махфий режани тасодифан ошкор қилди. 5 кун ичида нималар бўлди?
Месси — учинчи, Ямал — иккинчи: "Олтин тўп" учун асосий фаворит номи маълум бўлди
Нетаньяҳу Россия ва Исроил манфаатлари тўқнаш келаётганини маълум қилди
