Суперлига. "Нефтчи" "Пахтакор"ни мағлуб этиб, чемпионлик сари катта қадам ташлади (Турнир жадвали)

Бугун, 23 октябрь куни Ўзбекистон Суперлигасининг 25-тури доирасида навбатдаги икки учрашув ўтказилди.

Куннинг марказий баҳсида Тошкентнинг "Пахтакор" клуби ўз майдонида Фарғонанинг "Нефтчи" жамоасини қабул қилди. Чемпионлик учун курашаётган жамоалар ўртасидаги муҳим тўқнашув меҳмонларнинг 3:1 ҳисобидаги ғалабаси билан якунланди.

Ушбу натижадан сўнг "Нефтчи" 58 очко билан турнир жадвалидаги пешқадамлигини мустаҳкамлади. 53 очкода қолган "Пахтакор" эса иккинчи ўринни эгаллаб турибди. Энди жамоалар ўртасидаги фарқ 5 очкога етди.

Куннинг яна бир учрашувида "Бухоро" ўз майдонида Термизнинг "Сурхон" жамоаси билан куч синашди. Мазкур баҳсда ҳисоб очилмади — 0:0.

Дурангдан кейин "Бухоро" 41 очко билан тўртинчи ўринда қолди. "Сурхон" эса 29 очко билан 12-поғонадан жой олган.

Эслатиб ўтамиз, 25-турнинг илк учрашуви 22 октябрь куни бўлиб ўтган ва унда "Бунёдкор" ўз майдонида "Машъал"ни 2:1 ҳисобида мағлуб этган эди.

Суперлига. 25-тур

22 октябрь, пайшанба

"Бунёдкор" – "Машъал" – 2:1

23 октябрь, жума

"Пахтакор" – "Нефтчи" – 1:3

"Бухоро" – "Сурхон" – 0:0

24 октябрь, шанба

18:00. "Насаф" – "Сўғдиёна"

25 октябрь, якшанба

16:00. ОКМК – "Қўқон-1912"

18:00. "Қизилқум" – "Локомотив"

18:15. "Динамо" – "Андижон"

26 октябрь, душанба

18:30. "Хоразм" – "Навбаҳор"