Эрлинг Холанд Испаниянинг Ла Лига гранди клублари билан боғланишда давом этмоқда. «Манчестер Сити»нинг молиявий қоидабузарликлар учун жазоланиш эҳтимоли норвегиялик ҳужумчининг ёзги трансфер ойнасида Испанияга кўчиб ўтиши мумкинлиги ҳақидаги миш-мишларни янада кучайтирди.
El Nacional нашри хабар беришича, Холанд «Реал» ва «Барселона» вариантларининг ҳар иккисига ҳам очиқ. Бироқ футболчининг муҳим бир талаби бор: у қайси клубга ўтмасин, шартномасида товон пули эвазига трансферни амалга ошириш имконини берувчи банд бўлишини истайди.
Ҳужумчи ўз келажагини мустақил бошқаришни ва зарур пайтда фаолиятида янги саҳифа очиш имкониятига эга бўлишни хоҳлайди. Шартномада кўрсатиладиган товон пули миқдори юқори, бироқ амалга ошириш мумкин бўлган даражада бўлиши керак.
Қайд этилишича, Холанднинг агенти Рафаэла Пимента ҳам шундай ёндашувни қўллаб-қувватлайди.
«Унинг учун энг муҳим жиҳат — узоқ муддатли шартнома футболчини фаолиятини мустақил бошқариш имкониятидан маҳрум қилмаслигидир. Футболчи кейинги босқичга ўтиш вақти келганини ҳис қилса, бундай имкониятга эга бўлиши керак», — дейилади хабарда.
Россия терма жамоаси собиқ футболчиси Ўзбекистонни Нигерияга тенглаштирди
«Олтин тўп» ғолиби номи маросимдан олдин ошкор бўлдими?
Месси — учинчи, Ямал — иккинчи: "Олтин тўп" учун асосий фаворит номи маълум бўлди
