АҚШ Эронга ядровий ёнилғи етказиб беришни таклиф қилганмиди?

АҚШ Эронга ядровий ёнилғи етказиб беришни таклиф қилган, аммо таклиф рад этилган , деди АҚШ президентининг махсус вакили

АҚШ президентининг махсус вакили Стив Уиткоффнинг айтишича, Америка Эронга уранни бойитишдан воз кечган ҳолда 10 йил давомида ядровий энергетика учун ёнилғи етказиб беришни таклиф қилган, аммо Теҳрон бу таклифни рад этган.

Уиткоффнинг маълумотларига кўра, Теҳронда тахминан 10 минг килограмм ядровий ёнилғи мавжуд, шу жумладан:

— 460 килограммга яқин 60%гача бойитилган уран;

— 1000 килограмм 20%гача бойитилган уран;

— Қолган уран эса 3,67% бойитиш даражасида.

“Эрон уранни бойитиш учун центрифугаларни мустақил равишда ишлаб чиқаради,” — деди Уиткофф.