Трамп: "Германия канцлери нима ҳақида гапираётганини билмайди!"

Германия канцлери Фридрих Мерц Эроннинг ядровий қуролга эга бўлиши мақбул деб ҳисоблайди.

АҚШ президенти Доналд Трамп бу ҳақда Truth Social ижтимоий тармоқ саҳифасида ёзди.

"Мерц нима ҳақида гапираётганини билмайди! Агар Эронда ядровий қурол бўлганида, бутун дунё гаровга олинган бўлар эди. Мен ҳозир Эрон ҳақида бошқа давлатлар ёки президентлар анча олдин қилишлари керак бўлган ишни қиляпман", дейилади постда.

Трамп Германия канцлерининг позициясини кескин танқид қилди ва унинг раҳбариятини шубҳа остига қўйди, натижада Германиянинг иқтисодий аҳволи ёмонлашаётганини айтиб ўтди.

"Германиянинг ҳам иқтисодий, ҳам бошқа жиҳатдан бунчалик ёмон аҳволда эканлиги ажабланарли эмас!", деб хулоса қилди Америка етакчиси.

Аввалроқ Мерц Эрондаги урушнинг тезда тугашига шубҳа билан қараган эди, чунки АҚШда тинчликка эришиш учун ишончли стратегия йўқ. "Ҳозирча мен америкаликлар қандай стратегик вариантни танлашини тушунмаяпман, айниқса эронликлар музокара олиб боришда жуда моҳир - ёки, аниқроғи, музокара олиб бормасликда жуда моҳир", деди канцлер.

Унинг сўзларига кўра, АҚШнинг Эронга қарши уруш бошлаш ҳақидаги қарори, айниқса Европа Иттифоқи билан маслаҳатлашмасдан, ўйланмаган эди ва у буни Трампга бир неча бор айтган.