АҚШ Эронга қарши амалиётда бир неча йилга мўлжалланган ўқ-дори захирасини сарфлаб юборди

АҚШ Эронга қарши амалиётда бир неча йилга мўлжалланган ўқ-дори захирасини сарфлаб юборди — Financial Times.

"Қўшма Штатларда айниқса Tomahawk қанотли ракеталари тез камайиб кетган. Яқин Шарқдаги урушнинг дастлабки 100 соати мобайнида АҚШ ҳарбийлари бундай ракеталардан 168 тасини ишлатган", дея ёзмоқда нашр.

"Бу жуда кўп. Ва уларнинг ўрнини тўлдириш учун бир неча йиллар кетади", – деган Financial Times'га америкалик конгрессменлардан бири.

Захираларни тўлдириш учун Пентагон Конгрессдан қўшимча 50 млрд доллар сўраши кутилмоқда.

Трамп маъмурияти Эрон билан урушнинг дастлабки олти кунидаги харажатларни камида 11,3 миллиард долларга баҳолаган.