АҚШ элчихона фаолиятини тиклаш учун Венесуэлага делегация юборди

АҚШ Давлат департаменти делегацияси Венесуэлага етиб келди. Бу Вашингтон ҳарбий операциясидан кейин америкалик дипломатларнинг биринчи ташрифи.

CNN манбасига таяниб хабар беришича, ташрифдан мақсад АҚШнинг Каракасдаги элчихонаси фаолиятини қайта тиклаш истиқболларини баҳолашдан иборат.

Делегация таркибига Колумбияда жойлашган Венесуэла ишлари бўйича Америка бўлинмаси ходимлари, шунингдек, АҚШнинг Колумбиядаги элчиси вазифасини бажарувчи Жон Макнамара кирди.

Аниқлик киритилишича, 2019 йилда АҚШ дипломатларни чақириб олган ва Каракасдаги элчихона ишини тўхтатган.