АҚШ Қуролли Кучларида 2027 йил 1 октябрга қадар автоном жанговар тизимларни қўллаш учун масъул бўлган қўмондонлик ташкил этилиши режалаштирилмоқда. Пентагоннинг 21 октябрда эълон қилинган янги қўмондонлик «Agincourt» лойиҳаси доирасида шакллантирилади.
«Agincourt лойиҳаси олдида иккита вазифа турибди. Биринчидан, 2027 йил 1 октябргача Автоном жанговар ҳаракатлар қўмондонлигини (AUTOWARCOM) ташкил этиш. Иккинчидан, Учувчисиз тизимлар портфели бошқармаси (DRPM-UxS) фаолиятини давом эттириш ва шу билан бирга, автоном тизимлар ҳамда робототехника ишлаб чиқувчиларини тўғридан-тўғри фронт чизиғидаги жанговар бўлинмалар билан боғлайдиган янги харидлар моделини жорий этиш», — дейилади хабарда.
Янги қўмондонликка тўрт юлдузли генерал раҳбарлик қилади.
Пентагон ушбу лойиҳадан мақсад алоҳида битта дрон яратиш эмас, балки ўзгарувчан шароитларга мослаша оладиган ва кенгайтириладиган яхлит тизимни шакллантириш эканлигини таъкидлади.
Истиқболли ишланмаларни танлашда амалий синовлар натижалари ҳал қилувчи аҳамиятга эга бўлади. Мусобақалар, ҳарбий машғулотлар ва жанговар қўлланилиш натижалари қайси тизимлар кейинчалик ривожлантирилиши ва катта миқёсда жорий этилишини, қайсиларидан эса воз кечилишини белгилаб беради.
Ўзбекистондан учган иккита самолёт ва яна 370 дан ортиқ бошқа рейслар дрон таҳдидлари туфайли Москвага қўна олмади
Шоҳжаҳон Эргашевнинг Тошкентдаги жанги жанжал билан ниҳоясига етди
40 млн одам Жанубий Осиёдан кўчишга мажбур бўлиши мумкин
