БМТнинг Венадаги гиёҳванд моддалар ва жиноятчилик бўйича бошқармаси (UNODC)нинг янги ҳисоботига кўра, Афғонистонда 2025 йилдан бери опиум ишлаб чиқариш ҳажми 400 фоизга ошган. 2026 йилда опиум кўкнори экилган майдонлар 43 000 гектарни ташкил этган бўлса, бир йил аввал бу кўрсаткич атиги 10 000 гектарни ташкил этган эди. Етиштирилган маҳсулот ҳажми эса ўтган йилги 300 тоннадан жорий йилда 1 500 тоннагача етди.
2022 йилда Афғонистонда ҳокимиятни қайта эгаллаб олган «Толибон» радикал ҳаракати опиум етиштиришни тақиқлаган эди. Ҳужжатда таъкидланишича, ушбу кескин ўсишга қарамай, ҳозирда кўкнори экилган майдонлар толиблар тақиқига қадар мавжуд бўлган 200 000 гектарлик кўрсаткичга нисбатан ҳали ҳам сезиларли даражада кам.
Шу билан бирга, БМТ бошқармаси ҳисоботида келтирилишича, опиум савдосидаги воситачиларнинг даромадлари 525 миллион еврога етди ва бу кўрсаткич «Толибон» томонидан тақиқ жорий этилишидан олдинги даражага деярли тенглашиб олди.
Исроилда парламент сайловлари якунланди: Нетаньяху учун кутилмаган натижа
17 ёшли қиз ўлдирилиши 52 йилдан кейин фош этилди: унинг ота-онаси ҳақиқатни билмай вафот этди
1-ноябрдан иссиқ сув ва иссиқлик энергияси нархлари 30% га ошади
