Абу-Дабида ММА оламининг икки таниқли вакили — Усмон Нурмагомедов ва Мераб Двалишвили ўртасида жанжал юз берди. Меҳмонхонада содир бўлган муштлашув акс этган видеолар ижтимоий тармоқларда тарқалди.
Кадрларда PFL чемпиони Нурмагомедов UFC'нинг собиқ чемпиони Двалишвилига яқинлашиб, унинг юзига тарсаки туширганини кўриш мумкин. Шундан кейин икки томон вакиллари ўртасида оммавий муштлашув бошланган.
Ислам Махачев можарога муносабат билдириб, унинг келиб чиқишини Двалишвилининг аввалроқ Грузияда доғистонлик жангчи билан юзага келган низоси билан боғлади.
Спорт журналисти Ариэль Хельвани маълумотига кўра, воқеадан сўнг жанжал иштирокчилари маҳаллий ҳуқуқни муҳофаза қилувчи органлар томонидан ушланган ва полиция бўлимига олиб кетилган.
Муштлашув оқибатида Двалишвилининг юзи жароҳатланган. Грузиялик спортчи кейинроқ жиддий шикаст олмаганини маълум қилди.
Ҳозирча воқеа иштирокчиларига нисбатан қандай ҳуқуқий чора кўрилиши аниқ эмас.
Чақалоғини ҳожатхонага ташлаган аёлга 3 йиллик жазо тайинланди
АҚШ ва Эрон дастлабки келишувга эришиш сари илгариламоқда
Европа Украина можаросида Россия ғалабасини англамоқда
