АҚШ, Россия ва Украина вакиллари 10–11 ноябрь кунлари Бирлашган Араб Амирликларининг Абу-Даби шаҳрида уч томонлама музокаралар ўтказади. Учрашувда ҳарбий ҳаракатлар тўхтатилганидан кейинги хавфсизлик кафолатлари, кескинликни камайтириш ва гуманитар масалалар муҳокама қилинади.
Бу ҳақда АҚШ президенти Donald Trumpнинг махсус вакили Стив Виткофф маълум қилди. Унинг сўзларига кўра, музокаралар АҚШ воситачилигида экспертлар даражасида ташкил этилади. Асосий мақсад — можарони тугатиш ва барқарор тинчликка эришиш бўйича келишувларга йўл очиш.
Виткоффнинг таъкидлашича, Вашингтон келажак авлодлар учун узоқ муддатли хавфсизликни таъминлайдиган кенг қамровли тинчлик келишувини ишлаб чиқишга умид қилмоқда.
Reuters агентлиги номи ошкор этилмаган америкалик расмийга таяниб хабар беришича, музокараларда АҚШ номидан Стив Виткофф ва Jared Kushner иштирок этиши кутилмоқда.
Шунингдек, учрашув доирасида Франция, Германия, Буюк Британия, Европа Иттифоқи ва НАТО вакиллари ҳам Киев учун хавфсизлик кафолатлари, урушдан кейинги Европа хавфсизлик тизими ҳамда Украинани тиклашни қўллаб-қувватлаш масалаларини муҳокама қилиши режалаштирилган.
Россия президентининг хорижий давлатлар билан инвестиция ва иқтисодий ҳамкорлик бўйича махсус вакили Кирилл Дмитриев Виткоффнинг музокаралар ҳақидаги баёнотини олқишлади. У ижтимоий тармоқдаги саҳифасида Donald Trump ва унинг жамоасининг Украинада тинчлик ўрнатиш борасидаги саъй-ҳаракатларини юқори баҳолаш лозимлигини ёзди.
Россия президенти матбуот котиби Дмитрий Песков эса аввалроқ Абу-Дабидаги уч томонлама музокараларда ўзаро хавфсизлик кафолатлари масаласи ҳам кўриб чиқилишини билдирган эди. У музокараларга тайёргарлик ҳарбий ҳаракатларни тўхтатиш мажбуриятини англатмаслигини ҳам таъкидлаган.
Исроилда парламент сайловлари якунланди: Нетаньяху учун кутилмаган натижа
17 ёшли қиз ўлдирилиши 52 йилдан кейин фош этилди: унинг ота-онаси ҳақиқатни билмай вафот этди
Зеленский Путинга хабар юборди
