Россиядан 9-май куни “провокациялар” бўлиши мумкин. Бу ҳақда Украина президенти Владимир Зеленский Чехия президенти Пётр Павел билан ўтказилган матбуот анжуманида гапирди. Унга “Россия томонидан 9-май куни эҳтимолий провокациялар бўйича махсус хизматларда маълумот борми?” деган савол берилди.
“Афсуски, биз бу қўшнилар – Россия қандай давлат эканини ва улар, биринчи навбатда, ўз давлатларида қандайдир радикал сиёсий ютуқлар учун нималарга тайёр эканини тушунамиз”, – деди Зеленский.
Унинг айтишича, Россия Пасха байрамида “отишмани тўхтатдик” деганига қарамай, 100 мартадан ортиқ ҳужум қилган. Охирги кунларда эса россияликлар фронтда кунига 200 мартадан ортиқ ҳужум ўтказмоқда – бу сўнгги ойлардаги энг юқори кўрсаткич.
“Яъни, ишонч йўқ, провокациялар бўлиши мумкин. Лекин бу русларга боғлиқ. Агар ҳали ҳам кимдир уларга ишонса – марҳамат, ўзини синаб кўрсин”, – деди Украина президенти.
3-май куни Зеленский Украина бошқа давлатларнинг вакилларига 9-май куни Москвага ташрифлари вақтида хавфсизликни кафолатлай олмаслигини айтди. Чунки Россия томони уларга нисбатан ҳар қандай ҳаракатни қилса, Украина Россияда бўлаётган воқеалар учун жавоб бера олмайди.
Ўзбекистон Россия элчисини чақиртирди
Ҳабиб ЕЧЛда ким ғолиб бўлишини истаётганини айтди
"Украиналиклар руслар босиб олган ҳудудларни де-факто беришга тайёр"
