Ижтимоий тармоқларда қиз ҳаракатдаги автомашина эшигини очиб сакраганлиги акс этган видео тарқалиб турли муҳокамаларга сабаб бўлмоқда. Мазкур ҳолат юзасидан қуйидагилар маълум қилинди.
Жорий йилнинг 7 июль куни тахминан соат 11.00 ларда Мирзо Улуғбек тумани, Мустақиллик кўчасида 2001 йилда туғилган Х.А. “Nexia” русумли автомашинани бошқариб кетаётиб, олдиндан таниши бўлган 2006 йилда туғилган Б.Ж. билан ўзаро келишмовчилик оқибатида тортишиб қолган. Сўнг фуқаро Б.Ж. ҳаракатланиб кетаётган автомашина эшигини очиб, йўл қатнов қисмига сакраган. Шу ҳудудда хизмат олиб бораётган туман ИИО ФМБ ходимлари зудлик билан фуқарога биринчи тиббий ёрдам кўрсатиб, шифохонага олиб боришган. Бирламчи тиббий маълумотга кўра, фуқарога “пешона ва чап чап ёноқ соҳаси юмшоқ тўқималари лат ейиши ҳамда тери ости гематомаси” ташхиси қўйилган.
Ҳозирда мазкур ҳолат юзасидан терговга қадар текширув ўтказилмоқда. Текширув якуни бўйича қонуний қарор қабул қилиниши таъминланади.
Айрим ижтимоий тармоқ фаоллари ушбу ҳолатда қиз гўёки ўғирлаб кетилаётганлиги ҳақида хабар тарқатишган. Мазкур маълумот ҳақиқатдан йироқ бўлиб, фуқаролардан тасдиқланмаган ва текширилмаган хабарларни тарқатмасликларини сўраб қоламиз,- дейилади хабарда.
Кеча Ўзбекистонда энг иссиқ ҳарорат рекорди янгиланди!
Жаҳонгир Ортиқхўжаев Анталяда 550 млн долларлик лойиҳа бошлагани маълум қилинмоқда
Россия санкциялар билан таҳдид қилмоқда: нишонда Ўзбекистон ҳам бор!
