4 ёшдан бошлаб боғча болалари учун мажбурий тестлар жорий этилади

2029 йилдан бошлаб Германияда тўрт ёшли болалар немис тилини билиш даражаси бўйича мажбурий тестдан ўтказилади. Қонун лойиҳаси муаллифларининг фикрича, бундай тестлар барча болалар учун тенг имкониятлар яратишга хизмат қилади. Муаммолар аниқланган тақдирда, уларга мақсадли ёрдам кўрсатилади.

Ҳукумат томонидан ишлаб чиқилган қонун лойиҳаси Германия Бундестаги томонидан номма-ном овоз бериш орқали қабул қилинди.

Келгусида болаларнинг математик билимлари ҳам баҳоланади. Бу орқали зарурат туғилганда, улар мактабга чиқишидан олдин тегишли қўшимча ёрдам билан таъминланади.

Мухолифат ва федерал ерлар ҳукумати мазкур дастурни амалга ошириш учун қўшимча маблағ ажратишни сўрамоқда. Чунки болаларни тестдан ўтказиш ва уларга зарур ёрдам кўрсатиш учун кўплаб малакали мутахассислар талаб этилади.

Der Spiegel нашри қайд этишича, Германияда болалар боғчалари федерал ерлар ваколатига киргани сабабли, қонун лойиҳаси ҳали Бундесрат даражасида ўзгартирилиши мумкин.