Ўзбекистон Республикаси Президенти Фармонига кўра мустақиллигимизнинг 34 йиллиги муносабати билан давлат хизматчилари ҳамда ишлаб чиқариш ва ижтимоий-иқтисодий соҳалар ходимларининг бир гуруҳи мукофотланди.
Мукофотланганлар орасида экология ва туризм соҳалари ривожига муносиб ҳисса қўшиб келаётган фидоий ходимлар ҳам бор. Хусусан, Сурхондарё вилояти Жарқўрғон туманидаги “Оқтепа” ов хўжалиги бошлиғи Александр Федин “Дўстлик” ордени билан тақдирланди.
Александр Федин умрини экологияга бағишлаган. У 1989 йил бошида мавсумий сув йиғиладиган, қоқ чўл ўртасидаги “Жарқўрғон” сув омбори соҳилида ўрмон барпо қилишни бошлади ва 35 йил давомида 84 гектар ҳудудни ўрмонзорга айлантирди. Бу ердаги дарахтларнинг 50 турдаги, жониворларнинг эса 12 турдаги Ўзбекистон Қизил китобига киритилган. Бугунги кунда Финляндия, Россия, Норвегия, Хитой каби давлатлардан табиатшунос ёш олимлар келиб, мазкур ҳудудда илмий тадқиқотлар ўтказишмоқда, ўсимлик ва ҳайвонот оламининг янги турларини ўрганишмоқда. Шунингдек, ҳар йили ташкилотлар ва аҳолига мингдан зиёт бепул кўчат етказиб берилади.
Маълумот учун, Александр Федин 2023 йилда Экология, атроф-муҳитни муҳофаза қилиш ва иқлим ўзгариши вазирлиги томонидан “Табиат ҳимоячиси” кўкрак нишони билан тақдирланган.
Мактабларда 1 сентябрдан смартфондан фойдаланиш тақиқланади
Кейинги 5 йил ичида бошланиши мумкин бўлган 5 та уруш
АҚШ Конгрессига номзод Валентина Гомес Қуръонни ёқиб юборди
