2025 йилда хорижликлар Россияда ишлаш учун 2,3 млнта патент расмийлаштирди

Бу 2024 йилга нисбатан 9% кўп демакдир.

Давлат думаси раиси Володиннинг маълум қилишича, уларнинг патент тўловлари жами 172 млрд рублни ташкил қилган.

Депутатлар мамлакатда миграцияни тартибга солишга қаратилган қатор қонунчилик ташаббусларини кўриб чиқмоқда:

🔸меҳнат муҳожирлари Россияда ўзи ва оила аъзоларини ҳудудда белгиланган яшаш минимуми даражасида таъминлаш мажбуриятини юклаш;

🔸ҳар бир оила аъзоси учун белгиланган миқдорда аванс тўловини киритиш;

🔸Россияга ишлаш мақсадида келган хорижликлар фарзандлари 18 ёшга тўлгач, 30 кун ичида мамлакатни тарк этиши кераклиги;

🔸бир йил давомида 10 ойдан кам ишлаган хорижликка вақтинча яшаш рухсати (РВП) ёки яшаш гувоҳномаси (ВНЖ) бермаслик ёки мавжуд рухсатномани бекор қилиниши.