15 март! Бугун ҳам “метан заправкалар” чеклов билан ишлайди

Ўзбекистонда 15 март, якшанба куни метан заправкалар соат 10:00 дан 16:00 гача ишлайди. Бу ҳақда Энергетика вазирлиги хабар қилди.

Қайд этилишича, Фарғона водийсида метан заправкаларнинг иш вақти ҳокимликлар билан келишилган ҳолда газ босимидан келиб чиқиб, амалга оширилади. Шу сабабли айрим жойларда улар ишламаслиги мумкин.

Ўзбекистонда ҳаво ҳарорати пасайгани сабабли 10 март куни соат 16:00 дан бошлаб метан заправкалар фаолиятига вақтинча чеклов жорий этилганди.