−10 дан +10 гача! Япония автофокусли ақлли кўзойнакни яратд

Японияда узоқни ва яқинни кўрувчиларга бирдек мос келадиган автофокусли замонавий кўзойнаклар ишлаб чиқарилди.

ViXion компанияси кўзойнакларнинг иккинчи авлоди - ViXion01S’ни тақдим этди. Улар фойдаланувчининг кўриш қобилиятига мослашади.

Моторлаштирилган линзалар 5 сантиметрдан то "чексизлик"гача бўлган фокус масофасини таъминлайди ва −10 дан +10 гача бўлган диоптрия оралиғини қамраб олади.

Қурилманинг оғирлиги рамаси билан бирга атиги 47 грамм бўлиб, USB-C орқали қувватланади. Розеткага уланмаган ҳолда кўзойнаклар 15 соатгача ишлаши мумкин. Янги маҳсулотнинг нархи 500 доллар.