"Куч ишлатилмаса, Путин ечим изламайди"

Финляндия Бош вазири Путинга босим ўтказишга чақирмоқда.

Петтери Орпо халқаро ҳамжамиятни Россия президенти Владимир Путинга Украинадаги урушда тўхтатиш режимини муҳокама қилишни бошлаш учун босим ўтказишга даъват этди.

"Куч ишлатилмаса, Путин ечим изламайди. Шунинг учун бизга кўпроқ босим керак," - деди Финляндия Бош вазири AFP агентлигига Паимиода (Финляндия) бўлиб ўтган Шимолий мамлакатлар Бош вазирлари учрашувида.

У Россиянинг босқинини қайтариш учун "санкциялар, Украинага ҳарбий ёрдам, янада кўпроқ ҳарбий ёрдам, сиёсий қўллаб-қувватлаш - қўлдан келган барча нарса" кераклигини таъкидлади.

Шу билан бирга, Норвегия Бош вазири Жонас Гаҳр Сторе ҳозиргача Россиянинг Украинада урушни тўхтатиш истагини билдирувчи белгилар йўқлигини айтди.

"Афсуски, биз бунинг ҳеч қандай аломатини кўрмадик," - деди у ахборот агентлигига.

"Умид қиламанки, бу АҚШни аниқроқ позиция эгаллашга ва босим ўтказишга ундайди, орқага чекинмайди," - деди у Россиянинг яқинда тинч аҳолига қилган ҳужумларини назарда тутиб.