Корея Меҳнат партияси ҳарбий саноат департаменти директор ўринбосари Ри Хён Сон Шимолий Кореяда янги эсминец билан боғлиқ ҳодисадан сўнг қамоққа олинганини BBC расмий манбаларга асосланиб хабар қилмоқда.
Бу КХДР раҳбари Ким Чен Ин иштирокида кема сувга туширилаётганда ағдарилиб кетганидан кейин қамоққа олинган тўртинчи амалдордир.
Корея Марказий Ахборот Агентлиги (КМАА) Ри Хён Сонни жиддий ҳалокат учун асосий жавобгар деб эълон қилди. У иш бўйича қамоққа олинган энг юқори лавозимли шахс бўлди.
Илгари Шимолий Кореэйдаги Чхончжин кемасозлик заводида сув сиғими 5 минг тонна бўлган янги эсминецни сувга тушириш маросими ўтказилган эди. КМАА маълумотларига кўра, кема пастга туширилаётганда бошқарувдаги хатолик туфайли қийшайиб, сувга ағдарилиб кетган. КХДР раҳбари бу ҳодисани "тасаввур қилиб бўлмайдиган ва мутлақо йўл қўйиб бўлмайдиган, эҳтиётсизлик, масъулиятсизлик ва ноилмий тажрибабозлик туфайли содир бўлган жиддий жиноят" деб баҳолади.
Чечен қўмондонидан тўғридан-тўғри таҳдид: “Русларни ўлдириш учун келган хорижликлар йўқ қилинади!”
Россияда якун ясалди: СССР йўқ бўлди
Лавров "Бундай сўзларни айтиш учун сурбет одам бўлиш керак”
