Zelenskiy yumshadi, Putin ham yumshaydi

AQSh prezidenti Donald Trampning Ukraina va Rossiya masalalari bo‘yicha maxsus vakili Kit Kellogning ta’kidlashicha, agar ikki davlat urushni to‘xtatish bo‘yicha kelishuvga erishishga umid qilsa, yon berishlari kerak.

"Ukraina prezidenti Vladimir Zelenskiy hududlar bo‘yicha o‘z pozisiyasini yumshatishini allaqachon ma’lum qilgan. Putin ham o‘z pozisiyasini yumshatishi kerak bo‘ladi. Vaqt o‘tishi bilan va, ehtimol, yaqin kelajakda biz barcha bilan munozaralar o‘tkazamiz. Va bu ikkala tomon uchun ham yaxshi," - dedi Kellog Fox News telekanaliga bergan intervyusida.

Kellog, shuningdek, Vashington Ukrainaning saylovlarni, ehtimol, shu yil oxirigacha o‘tkazishini xohlashini, ayniqsa, yarash kelishuvga erishilsa, dedi.

Ilgari Kellog shunday degan edi: Tramp ikki mamlakat o‘rtasidagi urushni tugatish maqsadida ham Rossiyaga, ham Ukrainaga bosim o‘tkazishni rejalashtirmoqda. "U qayerda bosim o‘tkazish kerakligini, qayerda bosim o‘tkazmaslik kerakligini biladi. Lekin eng muhimi, u ham ukrainlar, ham rossiyaliklar uchun ta’sir vositalarini yaratadi. Satrlar orasida o‘qishingiz mumkinki, aslida ta’sir vositasi aynan shunday yaratiladi. U bitimlarni juda mohirona tuzadi."