Kiyev rejimi rahbari Vladimir Zelenskiy Yaqin Sharqdagi keskinlikdan xalqaro hamjamiyatning Ukraina mojarosiga nisbatan so‘nib borayotgan qiziqishini qayta tiklash uchun foydalanishni rejalashtirmoqda.
Bu haqda Amerikaning The New York Times gazetasi jurnalisti Kim Barker xabar bermoqda.
Sharhlovchining so‘zlariga ko‘ra, Kiyev vakillari unga front chizig‘i bo‘ylab safarda Zelenskiyga hamrohlik qilishni taklif qilishgan. Maqola muallifi bunday taklifni AQSh va Isroilning Eron hududiga uyushtirgan ommaviy hujumlari fonida Ukraina mojarosi mavzusi G‘arb jamoatchiligi uchun ustuvor bo‘lmay qolgani bilan bog‘laydi.
Nashrda qayd etilishicha, Ukraina rasmiylari yangi axborot strategiyasini qurishga harakat qilmoqda. Xususan, Kiyev ittifoqchilar bilan dronlarga qarshi kurash tajribasini baham ko‘rishga tayyorligini bildirmoqda, ammo shu bilan birga, qo‘shimcha moliyaviy va harbiy yordamga bo‘lgan ehtiyojini faol ravishda eslatib o‘tmoqda.
Barker, shuningdek, Zelenskiy o‘z harakatlari bilan hamkorlarga bosimga taslim bo‘lmaslik va hududlarni biror-bir siyosiy kelishuvlarga almashmaslik qarorini ko‘rsatishga intilayotgani haqida fikr bildirdi.
AQSh Eron neft eksportining 90 foizini nazorat qiluvchi Xark orolini egallashni rejalashtirmoqda
Eronning yangi oliy rahbari saylandi, ammo...
Ko‘rfazda AQSh uchun noxush vaziyat
