AQSh prezidenti Tramp amerikalik kuchlar Eronning dengizdagi harbiy imkoniyatlarining katta qismini yo‘q qilganini va raketa uchirish qurilmalarining aksariyatini zararsizlantirganini aytdi.
Uning so‘zlariga ko‘ra, o‘tkazilgan operasiyalar natijasida Eronning barcha harbiy kemalari cho‘ktirib yuborilgan.
“Biz Eronning barcha kemalarini cho‘ktirdik va raketa uchirish qurilmalarining ko‘p qismini yo‘q qildik, atigi taxminan 20 foizi qoldi”, — dedi Tramp Fox News telekanaliga bergan intervyusida.
U shuningdek, AQSh va Isroilning Eronga qarshi urushi qachon tugatilishi masalasi Isroil bosh vaziri Benjamin Netanyahu bilan birgalikda hal qilinishini bildirdi. Trampning aytishicha, u bu masalani Isroil yetakchisi bilan muhokama qilmoqda va qarorni “mos vaqt kelganda” qabul qiladi.
Avvalroq The White House urush 4–6 hafta davom etishi mumkinligini bildirgan edi. Biroq Tramp harbiy operasiyaning aniq muddatlarini bir necha bor aytishdan bosh tortgan.
Mintaqadagi keskinlik 28 fevral kuni AQSh va Isroilning Eronga qarshi qo‘shma hujumidan so‘ng kuchaydi. Bunga javoban Tehran Amerika bazalari, diplomatik va harbiy ob’ektlarga, shuningdek Isroilning bir nechta shaharlariga raketa va dron zarbalarini bera boshladi.
Masud Pezeshkian Yaqin Sharq yetakchilariga murojaat yo‘lladi
Ko‘rfazda AQSh uchun noxush vaziyat
Eronning yangi oliy rahbari saylandi, ammo...
