Zelenskiy Rossiya iqtisodiyoti uchun eng kuchli sanksiyalarni aytdi

Ukraina prezidenti Vladimir Zelenskiy Rossiyaga eng kuchli zarba bo‘lishi mumkin bo‘lgan sanksiya yo‘nalishlarini sanab o‘tdi.

Uning so‘zlariga ko‘ra, ustuvor choralar quyidagilardan iborat: Rossiya bank sektori va Rossiya bilan savdoni davom ettirayotgan mamlakatlardagi banklar, shuningdek, Rossiyaning «soyo floti» infratuzilmasi — kema kapitanlari, sug‘urtachilar, neft jo‘natish uchun foydalaniladigan terminallar va Rossiya sxemalarini amalga oshirish imkonini beruvchi bozor operatorlari.

Zelenskiy sanksiyalarni chetlab o‘tish uchun mavjud sxemalarga ham qarshi kurashish zarurligini ta’kidladi.

Prezident ma’lum qilishicha, Yevropa uchun Rossiyaning ayrim muhim tovarlarga kirishini cheklaydigan maxsus sanksiya mexanizmi tayyorlanmoqda. Shu bilan birga, Yevropa Ittifoqi va AQSh Rossiya energetika resurslaridan tushadigan daromadlarni cheklash masalasida maslahatlashuvlarni davom ettirmoqda.

Zelenskiy qo‘shimcha qildi: Ukraina hamkorlari tomonidan joriy etilayotgan sanksiyalarga milliy darajada qo‘shilishni davom ettiradi.