Zelenskiy: "Floridada AQSh bilan mojarolarni hal qilish bo‘yicha muzokaralar olib borilmoqda"

Ukraina delegasiyasi Floridada AQSh bilan mojarolarni hal qilish bo‘yicha muzokaralar olib borayotgani haqida xabar berdi.

Ukraina prezidenti Vladimir Zelenskiy bu haqda ma’lum qildi.

Ukraina rahbari ishtirokchilar bir necha bosqichli muzokaralar o‘tkazganini va harbiy harakatlarni tugatish uchun zarur bo‘lgan hujjatlar ustida ishlayotganini aytdi. Davlat rahbari Kiyev Vashingtonni energetika tarmog‘iga qilingan hujumlar haqida xabardor qilayotganini ta’kidladi.

O‘z navbatida, muzokaralarda ishtirok etayotgan Milliy xavfsizlik va mudofaa kengashi kotibi Rustem Umerov ularning natijalari haqida post e’lon qildi. Uning ta’kidlashicha, muzokaralar ikki kun davom etgan.

"Biz iqtisodiy rivojlanish va farovonlik rejasini, shuningdek, Ukraina uchun xavfsizlik kafolatlarini, ularni amalga oshirishning amaliy mexanizmlariga e’tibor qaratgan holda muhokama qildik", dedi rasmiy.

Uning qo‘shimcha qilishicha, jamoalar Davosda maslahatlashuvlarni davom ettirishga kelishib olishgan.