"Yuventus" Pogbadan qutilmoqchi

Fransiyalik futbolchi Pol Pogba endi "Yuventus"da o‘ynamasa kerak.

Yarim himoyachining doping sabab olgan diskvalifikasiyasi qisqartirilgan va u 2025 yilning martida maydonga qaytishi mumkinligi e’lon qilingan edi.

Ma’lumotlarga ko‘ra, tomonlar har qanday vaziyatda ham shartnomani bekor qilishmoqchi. Bu fransiyalikka istagan klubiga erkin agent sifatida o‘tishga va klubga xarajatlarni qisqartirishga yordam beradi.

Pogba yiliga 10 mln. yevro maosh oladi (faqatgina Dushan Vlaxovich jamoada shunda maoshga ega). Doping bilan qo‘lga tushgan Pogba shu yilning fevralida 4 yilga futboldan chetlatilgandi.