Yaqin Sharqqa 20 dan ortiq kema va yuzlab qiruvchi samolyotlar joylashtirildi

AQSh Markaziy qo‘mondonligi (CENTCOM) Yaqin Sharq mintaqasiga 20 dan ortiq kema va harbiy kema, shuningdek, yuzlab Amerika qiruvchi samolyotlari joylashtirilganini ma’lum qildi.

CENTCOM bayonotida AQSh qo‘shinlari yuqori jangovar shaylik holatiga keltirilgani ta’kidlanib, «Biz tayyormiz», degan bayonot berilgan.

Shuningdek, CENTCOM ma’lumotiga ko‘ra, AQSh armiyasi Eron hududidagi nishonlarga qarshi yangi hujumlar seriyasini boshlagan.

Rasmiy Vashington hozircha operasiyaning ko‘lami va natijalari yuzasidan batafsil ma’lumot bermagan. Eron tomoni ham mazkur bayonot bo‘yicha rasmiy munosabat bildirmagan.