Yaqin kunlarda Ukrainaga o‘zini himoya qilishga yordam berish uchun rekord darajadagi qurol oqimi yuboriladi

14 iyul kuni Trampning bayonotini kuting, yaqin kunlarda Ukrainaga o‘zini himoya qilishga yordam berish uchun rekord darajadagi qurol oqimini ko‘ramiz — amerikalik senator Lindsi Grem.

Respublikachilar partiyasi a’zosi bo‘lgan senator bu haqda CBS News'ga bergan intervyusida ma’lum qildi.

Lindsi Gremning boshqa bayonotlari:

◾️ Yangiliklardan Rossiya aktivlari musodara qilingani haqidagi xabarlarni kuzating;

◾️ AQSh Yevropaga ulkan hajmdagi qurol sotishni boshlaydi, bu Ukrainaga ham foyda keltirishi mumkin;

◾️ Putin G‘arb, ayniqsa AQSh va Yevropa holdan toyadi deb o‘ylagan edi. Bu — uning eng katta xatolaridan biri;

◾️ Kongress AQSh tarixidagi eng katta sanksiyalar paketini qabul qilish arafasida turibdi;

◾️ Xitoy, Hindiston va Braziliyaga ogohlantirish: agar Putinga yordam berishda davom etsangiz, jiddiy zarar ko‘rasiz;

◾️ Putinning eng katta xatolaridan biri bu uning Tramp bilan o‘yin o‘ynashga urinishidir;

◾️ Yaqin kunlar va haftalarda Putinni muzokaralar stoliga o‘tkazishga qaratilgan katta harakatlar amalga oshiriladi;

◾️ Prezident Tramp bir necha oy davomida Putinni tinchlik muzokaralariga undashga urindi, endi bu eshik yopiladi;

◾️ Biz Putinning biznesini qo‘llab-quvvatlayotganlarni ta’qib qilamiz va Rossiyaning o‘ziga nisbatan ham qo‘shimcha sanksiyalar joriy qilamiz. Bu urushni to‘xtatish uchun prezident Trampning qo‘lidagi haqiqiy “bolg‘a” bo‘ladi;

◾️ Kongress ko‘rib chiqayotgan sanksiyalar to‘g‘risidagi qonun loyihalari paketi Trampga Rossiyaga yordam berayotgan har qanday davlatga 500 foizlik bojlar joriy etish imkonini beradi;

◾️ Putin ulkan xatoga yo‘l qo‘ydi. NATO tarixda hech qachon bugungidek katta va qudratli bo‘lmagan, biz hech qachon Ukrainani kuch bilan bosib olishga yo‘l qo‘ymaymiz.