Yaponiyada tarixda birinchi marta ayol kishi bosh vazir bo‘lishi mumkin

Bu haqda Kyodo xabar bermoqda.

Agentlik xabariga ko‘ra, Yaponiyaning sobiq ichki ishlar vaziri Sanae Takaiti hukmron Liberal-demokratik partiya (LDP) rahbarligi uchun saylovda g‘alaba qozondi.

"LDP yangi rahbarininn vakolati 2027 yilgacha davom etadi. LDP raisligi saylovlarida g‘alaba qozonish avtomatik ravishda Yaponiya bosh vaziri lavozimiga tayinlanishni kafolatlamaydi, chunki partiya parlamentdagi ko‘pchilik o‘rinni yo‘qotgan. Biroq LDP “Komeyto” partiyasi bilan koalisiyada parlamentdagi eng nufuzli siyosiy kuch bo‘lib qolmoqda", deya yozmoqda Kyodo.

Nashrning ma’lum qilishicha, Takaiti oktyabr oyidayoq lavozimiga kirishishi va Yaponiyaning birinchi ayol bosh vaziri bo‘lishi mumkin.