Yaponiyada parranda grippi tufayli 170 mingdan ortiq tovuq so‘yiladi

Yaponiya shimoli-sharqidagi Miyagi prefekturasi ma’muriyati mahalliy fermada kamida 172 ming tovuqda parranda grippini aniqladi. Bu haqda prefektura ma’muriyati ma’lum qildi, deya xabar beradi «TASS».

Ma’lum qilinishicha, bu tovuqlar so‘yiladi.

Har yili Yaponiyada qush grippi avj olishi sababli kuz va bahor oylarida millionlab tovuqlar so‘yiladi. 2023 yilda rasmiylar ushbu sohada antirekord qayd etdi. Infeksiya tarqalishining oldini olish choralari doirasida 15 milliondan ortiq parranda o‘ldirilgan.