Meydzi universiteti huzuridagi PorMedTec startapi gen-modifikasiya qilingan cho‘chqalarni ko‘paytirishga kirishdi, deb xabar beradi Yaponiyaning The Mainichi nashri.
Hayvonlardan odamga buyrak ko‘chirib o‘tkazish bo‘yicha klinik sinovlarni 2028 yilda o‘tkazish rejalashtirilgan.
"Biz ushbu usulni og‘ir buyrak yetishmovchiligi bor bemorlarni davolashning tanlov variantlaridan biri sifatida, odamdan odamga transplantasiya va dializ bilan bir qatorda ilgari surmoqchimiz", — dedi PorMedTec rahbariyati.
Loyiha ma’qullangach, sinovlar birdaniga Yaponiyaning ikkita shifoxonasida o‘tkaziladi.
Nashrning qayd etishicha, bu mamlakat uchun birinchi shunday sinovlar bo‘ladi.
Startap 2030 yilda hayvonlardan odamlarga a’zolarni ko‘chirib o‘tkazish uchun shartli ruxsatnoma olishni, 2033 yilga kelib esa odamga cho‘chqa buyragini transplantasiya qilishni standart terapiya usuliga aylantirishni mo‘ljallamoqda.
Yaponiya kompaniyasi ushbu loyihada AQShning eGenesis Inc. biotexnologik kompaniyasi bilan hamkorlik qilmoqda va undan cho‘chqaning gen-modifikasiya qilingan hujayralarini olmoqda. Resipiyentlar organizmi tomonidan ko‘chirib o‘tkazilayotgan a’zolarning rad etilishi oldini olish maqsadida cho‘chqa organizmiga 69 ta genetik o‘zgartirish kiritiladi.
O‘n yildan so‘ng pulning ahamiyati deyarli qolmaydi
Eron 200 nafardan ortiq amerikalik harbiy xizmatchilarni yo‘q qildi
Rossiya xalqini hech qachon yengib bo‘lmaydi
