780 ming dollardan ortiq pulni o‘g‘irlab, pochta bo‘limini yoqib yuborishga uringan pochta xodimi qo‘lga olindi

Tataristonda pochta xodimi tomonidan sodir etilgan yirik miqdordagi o‘g‘irlik bo‘yicha jinoiy ish qo‘zg‘atildi.

Bu haqda mamlakat prokuraturasi matbuot xizmati ma’lum qildi.

"Tergov ma’lumotlariga ko‘ra, 2022 yil bahoridan 2026 yil iyuligacha pochta xodimi kassalardan naqd pullarni muntazam ravishda o‘g‘irlagan. Aniqlangan kamomadning umumiy miqdori 61 million rubldan (deyarli 782 ming dollar) oshdi. Ayol o‘g‘irlangan mablag‘larni o‘z xohishiga ko‘ra tasarruf etgan. Jinoyatlarning dalillarini yashirish va favqulodda vaziyatni simulyasiya qilish maqsadida ayol pochta bo‘limini yoqib yuborishga uringan, ammo yong‘in tezda o‘chirilgan", deyiladi bayonotda.

Rossiya Jinoyat kodeksining 158-moddasi 4-qismining "b" bandi (yirik miqyosdagi o‘g‘irlik) bo‘yicha jinoiy ish qo‘zg‘atilgan. Shahar prokuraturasining pozisiyasini hisobga olgan holda, ayolga nisbatan hibsga olish tarzidagi ehtiyot chorasi tanlandi.