Yaponiya Braziliya bilan o‘yinda superkambek amalga oshirdi

Braziliya terma jamoasi o‘rtoqlik o‘yinida Yaponiya terma jamoasiga imkoniyatni boy berib qo‘ydi - 2:3. O‘yin Tokiodagi "Adzinomoto" stadionida bo‘lib o‘tdi.

Uchrashuvning 26-daqiqasida braziliyalik Paulo Enrike hisobni ochdi. 32-daqiqada Gabriel Martinelli Braziliya terma jamoasining ikkinchi goliga mualliflik qildi. Ikkinchi bo‘limda Yaponiya terma jamoasi Takumi Minamino, Keyto Nakamura va Ayasi Uedalarning sa’y-harakatlari bilan ketma-ket uchta gol urdi.

10 oktyabr kuni braziliyaliklar Janubiy Koreya terma jamoasini 5:0 hisobida mag‘lubiyatga uchratgandi. Yaponiyaliklar shu kuni Paragvay bilan durang o‘ynagandi (2:2).