Yangihayot tumanida 10 ta avtomashina ishtirokida yo‘l-transport hodisasi yuz berdi

2025 yil 1 avgust kuni soat 13:30 larda Toshkent shahri Yangihayot tumanidagi Choshtepa ko‘chasida yirik yo‘l-transport hodisasi sodir bo‘ldi.

Dastlabki ma’lumotlarga ko‘ra, «IVECO» rusumli yuk avtomobili haydovchisi boshqaruvni yo‘qotishi natijasida, quyidagi yengil avtomashinalar bilan to‘qnashgan:

• «Captiva»
• 2 ta «Lacetti»
• «Spark»
• «Onix»
• «Malibu-2»
• «Cobalt»
• «Hyundai»
• «Tracker-2»

Hodisa oqibatida tan jarohati olgan fuqarolar qayd etilmadi.

Mazkur holat yuzasidan Toshkent shahar Ichki ishlar bosh boshqarmasi Yo‘l harakati xavfsizligi xizmati mas’ullari tomonidan surishtiruv ishlari olib borilmoqda.