Toshkent shahar transport va yo‘l-transport infratuzilmasini rivojlantirish bosh boshqarmasi boshlig‘ining tegishli buyrug‘i bilan poytaxtdagi ayrim avtobus yo‘nalishlariga o‘zgartirish kiritildi.
Transport vazirligining xabar berishicha, shu yilning 28 mart sanasidan boshlab amaldagi 190-sonli “Yangibozor ASHB — Mashinasozlar metrosi“ yo‘nalishi Yangi O‘zbekiston ko‘chasi orqali Yangi Toshkent bekatigacha bir tomonlama harakat qiladi. So‘ng o‘zining avvalgi yo‘nalishi bo‘ylab harakatni davom ettiradi.
Yangi tashkil etilgan 197-sonli avtobus yo‘nalishi O‘zbekiston mehmonxonasi bekati — Yangi Toshkent bekati yo‘nalishida harakatlanadi. Ushbu yo‘nalish “Mahtumquli va Yangi O‘zbekiston“ yo‘li ko‘chalari orqali harakatlanadi.
137-sonli avtobus yo‘nalishi esa endilikda Istiqbol mahallasi bekatidan Parkent yo‘li ko‘chasi orqali Yangi Toshkent bekatigacha ikki tomonlama harakat qiladi. Yo‘nalish “Yangi Toshkent bekati — Qo‘shqo‘rg‘on mahallasi“ deb qayta nomlanadi.
Surxondaryoda pomidorni shpaklyovkaga "aylantirishdi"
1 aprel kuni dollar qanday narxda bo‘lishi ma’lum qilindi
Ramazon hayiti namozining o‘qilish vaqtlari e’lon qilindi
