O‘zbekiston bilan 2024 yilgi maslahatlashuvlardan so‘ng XVJ missiyasi yakuniy bayonot berdi.
➡️ XVJ O‘zbekistonda rasmiy idoralarning islohotlarni amalga oshirish bo‘yicha qat’iy sa’y-harakatlari, ayniqsa, energetika, xususiylashtirish va davlat korxonalarini isloh qilish yo‘nalishidagi, iqtisodiy rivojlanish istiqbollarini yaxshilashga yordam berganini qayd etdi.
☑️YAIMning real o‘sishi yuqori bo‘lib, ichki talabning barqaror o‘sishi hisobiga 2024 yilda 5,4%ni tashkil etishi kutilmoqda va 2025 yilda 5,5%gacha oshishi prognoz qilinmoqda.
➡️Hukumat byudjet taqchilligini 2024 yilda YAIMning 4%igacha va 2025 yilda 3%iga qisqartirishni rejalashtirgan.
☑️Byudjetni konsolidasiya qilish davlat moliyasining barqarorligini ta’minlash va yaqin istiqbolda inflyasion bosimni pasaytirish uchun zarur hisoblanadi. Ayni paytda aholining himoyaga muhtoj qatlamlarini ko‘llab-quvvatlash va o‘rta muddatli davrda iqtisodiyot samaradorligini oshirish muhim hisoblanadi.
➡️Davlat banklarini isloh qilish ustuvor vazifa bo‘lib qolishi bilan birga, ularning boshqaruv tizimini takomillashtirish, tijorat maqsadlariga erishish va banklarni xususiylashtirishga tayyorlashga ham e’tibor qaratish kerak.
☑️Barcha notijorat faoliyat turlarini byudjetga o‘tkazish zarur yoki byudjetdan tegishli xarajatlarni qoplashning shaffof usulini yaratish kerak. Tijorat banklarida davlat ulushi saqlanib qolishining maqsadga muvofiqligi doimiy baholab borilishi kerak.
➡️Biznes yuritish muhitini yanada yaxshilash raqobatni rivojlantirish, iqtisodiyotni diversifikasiya qilish va yangi ish o‘rinlarini yaratish bilan birga inflyasiyani pasaytirishda yordam beradi.
☑️Rasmiy organlar JST a’zo bo‘lish bo‘yicha faol ish olib bormoqda. JSTga a’zo bo‘lish qo‘shni davlatlar bilan savdo aloqalarini mustahkamlash va transport yo‘nalishlarini takomillashtirish bilan birga, O‘zbekiston eksportining o‘sishini ta’minlaydi.