Xususiy maktablarda ham 24 yanvarga qadar ta’tilni uzaytirish tavsiya etildi

Nodavlat ta’lim tashkilotlarida ham qishki ta’til muddatini 2022 yil 24 yanvarga qadar uzaytirish maqsadga muvofiq, deyiladi Ta’lim sifatini nazorat qilish inspeksiyasi bayonotida.

Shuningdek, qishki ta’til davrida o‘quvchilarga oziq-ovqat berilmasligi hamda boshqa sarf-xarajatlar qilinmasligini inobatga olgan holda ularning ota-onalaridan shu muddatlar uchun to‘lov undirilmasligi tavsiya etilgan.

Qishki ta’til kunlarini 24 yanvarga qadar uzaytirilgani o‘qituvchilarning oylik maoshiga ta’sir qilmaydimi?

— Umumta’lim muassasalari o‘quvchilari uchun beriladigan qo‘shimcha ta’til kunlari davomida xalq ta’limi tizimida faoliyat yuritayotgan pedagog va boshqa xodimlarga amaldagi ish haqi to‘lovlari saqlangan holda to‘lab boriladi, ya’ni oylik maoshga ta’sir qilmaydi.

Xalq ta’limi vazirligi